Ruta en kaiak á Illa de Cortegada
Unha forma orixinal e divertida de visitar Cortegada: sae da praia de Bamio, navega entre os parques de cultivo da ameixa de Carril e chega á illa polos teus propios medios.
Ver a ruta en kaiakDescubre a natureza en todo o seu esplendor: a maior fraga de loureiros de Europa, a só 200 metros de Carril, na ría de Arousa.
Fraga de loureiros
A maior de toda Europa
Illa mareal
En barco, en kaiak ou a pé con marea baixa
2 rutas sinalizadas
De 45 min a 1 h 15 min
A Illa de Cortegada é natureza en todo o seu esplendor: orixinalmente é unha rocha que emerxe do mar, cuberta pola maior fraga de loureiros de toda Europa e cun fondo areoso ideal para o cultivo da ameixa. A illa, situada entre Vilagarcía de Arousa e o río Ulla, que xa visitara o xeógrafo romano Plinio o Novo, é accesible en barco pero tamén a pé cando hai marea baixa, polo Camiño do Carro, cunha distancia duns 200 metros entre Carril (Vilagarcía de Arousa) e Cortegada.
A Illa de Cortegada forma parte do Parque Nacional das Illas Atlánticas e atópase no percorrido compostelán coñecido como Ruta Traslatio, tamén chamada Ruta Xacobea Marítimo-Fluvial.
Descubre a illa
A parte norte de Cortegada acolle a maior fraga de loureiros de toda Europa (Laurus nobilis), que conviven con carballos, salgueiros, abeleiras, piñeiros e eucaliptos. As especiais características climáticas da illa conservaron este fráxil espazo boscoso e, aínda que a vexetación da illa é bastante pobre pola baixa penetración da luz solar que provoca a súa mesta fraga, hai unha variedade moi rica de cogomelos (45 especies).
Ademais da súa fantástica variedade de cogomelos, na illa tamén abundan as algas, que os labregos da costa recollen para abonar os seus campos.
Unha visita á illa de Cortegada pódese facer en pouco menos de dúas horas: hai dúas rutas circulares, ambas comezan e rematan no antigo poboado; a primeira percorre todo o perímetro da illa e permite admirar fermosas paisaxes da ría de Arousa; a segunda, en cambio, discorre a través da fraga.
Historia, mitos e tradicións do loureiroDúas formas de chegar a Cortegada e percorrer os seus camiños da man de guías titulados do Parque Nacional das Illas Atlánticas de Galicia.
Unha forma orixinal e divertida de visitar Cortegada: sae da praia de Bamio, navega entre os parques de cultivo da ameixa de Carril e chega á illa polos teus propios medios.
Ver a ruta en kaiakUnha forma orixinal e cómoda de visitar Cortegada: traslado en barco ata o peirao da illa para gozar da ruta de sendeirismo e regreso de novo en embarcación.
Ver a visita en barcoNatureza, historia e tradición mariñeira nunha illa de apenas 54 hectáreas, protexida do vento no esteiro da ría de Arousa, xunto á desembocadura do río Ulla.
A maior fraga de loureiros de Europa, con ata 5 bosques diferentes e hábitat da espectacular vacaloura.
Ermida de orixe medieval, reconstruída fóra do poboado, xunto aos restos do hospital de peregrinos e un cruceiro.
Punto de inicio das dúas rutas. Algunhas casas recuperáronse como servizos do Parque; o resto dorme baixo a vexetación.
Lingua de area que une a illa con Carril e aflora na baixamar. As mareas cambian rápido: precaución.
Os famosos parques de cultivo da ameixa de Carril unen a illa co porto e son a base da economía local.
Cortegada está na Ruta Xacobea Marítimo-Fluvial, como lembra o cruceiro de Punta Corveiro que marca o camiño aos peregrinos.
En 1014 o viquingo Olaf Haraldsson, futuro rei Olaf II de Noruega e San Olaf, acampou na Illa de Cortegada durante as súas incursións pola ría
A capela da Virxe dos Milagres, de 1334, e o hospitaliño de peregrinos levantado en 1652: o patrimonio do antigo poboado da Illa de Cortegada.
A fraga de loureiros de Cortegada, a máis grande de Europa, e os mitos e tradicións do loureiro: de Apolo e Dafne ás coroas dos vencedores.
O cupo diario é de 125 visitantes e as visitas dependen das mareas. Organízanas empresas autorizadas con guías titulados: solicita información e poñémoste en contacto con elas.